Filma shqip (foto album)

Dora e ngrohtë
Dora e ngrohtë është një dramë televizive e prodhuar në Shqipëri në vitin 1983. Regjia: Kujtim Çashku, Skenari: Neshat Tozaj, Producent: Shqipëria e re , Muzika: Hajg Zaharjan.

Përmbajtja e filmit
Djaloshi Besim nuk gjen ngrohtësi nga njerku i tij Ahmeti. Ai braktis shkollën dhe bën gabime të rënda. Por është pikërisht dora e ngrohtë e shokëve të klasës dhe e të gjithë shoqërisë që e kthejnë Besimin në jetë.
Aktorët
• Reshat Arbana
• Viktor Çaro
• Vangjush Furxhi
• Artur Gorishti
• Mirush Kabashi
• Dhurata Kasmi
• Bujar Lako
• Aleksander Prosi
• Margarita Xhepa




Dora e ngrohte



Apasionata
Apasionata është film artistik i metrazhit të gjatë i prodhuar nga Kinostudioja Shqipëria e Re në vitin 1983. Regjinë e kanë bërë Kristaq Mitro në bashkëpunim me Ibrahim Muçaj ,Skenari: P. Dado, N. Tafa, Producent: Shqipëria e re , Muzika: Gjon Simoni.
Në rolet kryesore paraqiten:
Kastriot Çaushi,
Matilda Makoçi,
Agim Qirjaqi,
Kadri Roshi
Margarita Xhepa
Spiro Duni.
Filmi për herë të parë është shfaqur në vitin 1983.
Përmbajtja e filmit
Motivi kryesor i sonatës së famshme “Apasionata” të Ludvik Van Bethoven nga një punë diplome bëhet lajtmotiv në dashurinë e Mirës studente e pianos dhe Arturit student i pikturës i cili nuk është vërtet i dhënë pas pikturës por e bën shkollën për t’i bërë qejfin të atit një njeri me rëndësi në një ministri. Më pas konfliktet zgjidhen dhe Arturi gjen vendin e vet në jetë.







Balada e Kurbinit

Balada e Kurbinit është një film dramë i metrazhit ë gjatë prodhuar në Shqipëri më 1990 nga kinostudio Shqipëria e Re. Regjia: Kujtim Çashku, Skenari: Vath Koreshi, Producent: Shqipëria e re , Muzika: Feim Ibrahimi.
Përmbajtja e filmit
Ushtarë që nisen në luftë si mercenarë dhe kthehen të vdekur. Vajza që presin e presin dhe më në fund martohen me të tjerë. Një vezir mundohet të marrë një grua të re të bukur dhe indiferente e cila gjendet midis burrit me të cilin u martua e lodhur nga pritja e gjatë dhe burrit që më në fund u kthye.
Aktorët
• Reshat Arbana
• Timo Flloko
• Besa Imami
• Ndrek Luca
• Matilda Makoçi
• Petrit Malaj